Mæland seier at regjeringa ikkje har teke noka avgjerd om 17. mai enno.Foto: Ole Berg-Rusten / NTB scanpix / NPK

Inga avgjerd om 17. mai-feiringa enno

Regjeringa har ikkje teke noka avgjerd om korleis koronaepidemien vil påverke 17. mai-feiringa, seier justis- og beredskapsminister Monica Mæland (H).

– Vi veit at dette er ei avgjerd vi må ta. Men først må vi vite litt meir, sa Mæland på pressekonferansen om koronasituasjonen onsdag.

Justisministeren understreka at 17. mai-feiringa er viktig for heile landet, men gjentok òg at nordmenn må bu seg på at det blir annleis.

(©NPK)