Held korta tett til badedrakta
Kvam herad og Hardangerbadet AS varslar ei pressemelding klokka 10.30.
Dei siste dagane har det vore stor aktivitet i innspurten av arbeidet med å få bade- og helseanlegget i Øystese fullfinansiert. Det store spørsmålet er om Sparebanken vest seier ja til å gje lån.
Onsdag varsla konstituert rådmann Anita Hesthamar ei orientering om saka i formannskapsmøtet. I staden opplyste ho at det vil koma ei pressemelding om saka i dag.
Fristen for å stadfesta at anlegget er fullfinansiert som del av søknaden om spelepengar, er i dag. Det er Kvam herad som søkjer, og heradet må fyrst motta dokumentasjonen frå Hardangerbadet. Samfunns- og utviklingssjef Jon Nedkvitne i Kvam herad seier fylkeskommunen har opplyst at toget går klokka 15 i dag.
Det er allereie avklara at Innovasjon Noreg ikkje har sagt ja til å støtta anlegget. Stønaden er i staden erstatta med eit ansvarleg lån frå Trond Mohn på ti millionar kroner frå Trond Mohn. Mohn har dessutan garantert for fem millionar kroner til Kvammabadet KF som Hardangerbadet AS skulle skaffa.
