Heile Hardanger er i vekst

Folketalet i Kvam auka med 22 i 2. kvartal, og nærmar seg stygt 8.500. Det enda på 8.491, takk vere tilflytting. 22 vart fødde og 23 døydde i kvartalet. 72 flytta til Kvam og 49 frå Kvam. Av desse var høvesvis 6 og 5 frå og til utlandet. Ved årsskiftet var folketalet 8.475, så det har auka med 14 så langt i år.

I Jondal auka folketalet med 5 til 1.105 i det same kvartalet. 3 vart fødde og 1 takka for seg. 11 flytta til og 8 frå kommunen. Ved årsskiftet var folketalet 1.104.

Også i dei 5 andre hardangerkommunane var det vekst i folketalet i perioden april–juni. Det vart 1 ekstra gravensar, 9 nye ulvikjer, 13 nye eidfjører, 18 nye oddingar og 1 ny fjording. Voss auka med 87 til 14.512 innbyggjarar. I Bergen minka folketalet med 313 til 277.807.