Gruppe får leggja føringar for arealbruk i forhandlingar

Ifølgje rådmannen ynskjer nokon at det skal opprettast eit eige politisk forhandlingsutval som får makt til å tinga med andre om kommuneplanen. Difor føreslår ho at heradsstyret i møtet tysdag peikar ut politiske medlemer til utvalet. Ho meiner ordførar Jostein Ljones (Sp), varaordførar Heidi Sandven Botnen (KrF) og gruppeleiar og opposisjonsrepresentant Borghild Storaas Ones (Ap) bør få fast plass i utvalet, saman med plan- og byggjesakssjef Heidi E. Ørjansen. Sistnemnde vert «fagleg ansvarleg», ifølgje framlegget frå rådmannen.

Saksutgreiinga seier ikkje kven som har ynskt seg eit slikt utval.

Ifølgje framlegget kan ikkje utvalsmedlemene rekna med å få få møtegodtgjersle, men vil få dekt tapa arbeidsforteneste.

Ørjansen opplyser at dialogmøtet med Fylkesmannen om kommuneplanframlegget er tidfesta. Det vert avvikla 16. november.