Folgefonna-forskar vann Grand Prix
Rebekka Frøystad formidlar funn frå Folgefonna feiande flott.
Publisert
Frøystad, doktorgradskandidat ved Institutt for geovitskap ved Universitetet i Bergen, vann formidlingstevlinga Forsker Grand Prix i Bergen onsdag kveld. Ho presenterte eiga forsking på smelting av isbrear med utgangspunkt i Folgefonna. Det melder UiB i ei pressemelding.
I tevlinga, som gjekk føre seg på Høgskulen på Vestlandet, deltok ti doktorgradskandidatar. Sju av dei er tilknytte UiB.
Annonse
– Dette var utruleg kjekt og litt overveldande, sa vinnaren, ifylgje pressemeldinga.
I domarpanelet sat Bård Fynh frå NHH, Kjetil H. Dahle frå TV 2 og skodespelar Stine Revheim Svellingen.
Sigeren inneber at Frøystad og ein annan kandidat får representera UiB i den nasjonale finalen i Oslo komande torsdag.
Frøystad seier til UiB at ho forskar tverrfagleg på korleis klimaendringar påverkar naturen og samfunnet i Noreg. Naturfagleg simulerer ho korleis Folgefonna vil smelta dei neste hundre åra.
Annonse
Forskinga hennar, som omfattar ei spørjegransking blant folkevalde, tilseier at politikarane tykkjer at det er viktigare å ta vare på natur enn å oppnå økonomisk vinst når dei vurderer nye vasskraftutbyggingar.
