Fleire i Kvam, færre i Jondal

Folketalet i Kvam gjekk ned med 38 i 4. kvartal og enda på 8.455 ved nyttår. I Jondal vart dei 8 færre. 1.096 var framleis på plass ved årsskiftet.

Ser ein året under eitt, vart det 32 fleire kvemmingar i 2017, som byrja med 8.423 av slaget. 76 vart fødde og 99 døydde, så det var fødselsunderskot eller dødsoverskot. Med andre ord sytte tilflytting for folkevekst: 298 flytta til og 243 frå Kvam.

I Jondal var dei 1.108 for vel eitt år sidan og 12 færre ved nyttår. Differansen mellom dei 12 avlidne og 11 fødde var liten, så fråflytting er hovudårsaka til nedgangen. 38 flytta til og 49 frå kommunen.

I Odda gjekk folketalet ned med heile 190 i fjor. Også Ullensvang (-14), Ulvik (-14) og Granvin (-2) hadde nedgang, medan det vart ti fleire eidfjører. Vossingane vart som vanleg fleire, 63, nærare bestemt, og avslutta året 14.577 i talet.