Fjoråret var prega av mange farevarsel

I fjor sende Noregs vassdrags- og energidirektorat (NVE) ut 124 jordskredvarsel og 174 flaumvarsel på gult, oransje eller raudt nivå.

Året 2023 vil bli hugsa som året då Sør-Noreg vart ramma av ekstremvêret Hans, skriv direktoratet på nettsida si.

Uvêret var den dyraste naturkatastrofen som nokon gong har ramma Noreg.

– Vêromslag førte til lokale flaum og sørpeskred allereie på starten av året, på forsommaren var det utfordringar med landbrukstørke i Sør-Noreg, og på slutten av sommaren vart vi ramma av ekstremvêret Hans. Vi gjekk ut av året med kakelinna, ei atmosfærisk elv, på Vestlandet, seier seksjonssjef Hervé Colleuille.

Slik var fordelinga av NVEs farevarsel i fjor:

* 124 jordskredvarsel: 92 dagar med jordskredfare på gult nivå, ti på oransje nivå og tre på raudt nivå.

* 174 flaumvarsel: 90 dagar med flaumfare på gult nivå, 44 på oransje nivå og 22 på raudt nivå.

* 32 dagar med styrtregnvarsel frå Meteorologisk institutt (MET) i sommarmånadene.

(©NPK)