Ferjetakstar går opp

Ferjeprisane på fylkesvegferjene i Vestland går noko opp frå 1. oktober.

For Jondal–Tørvikbygd-sambandet vert full pris 115 kroner for køyretøy med ei lengd på til og med 6 meter. Det opplyser Skyss servicesenter.

Med Autopass for ferje med avtale vert prisen 58 kroner. Med Autopass-brikke utan avtale vert prisen 104 kroner.

Årsaka til prisendringa er at meirverdiavgifta vert sett tilbake til 12 prosent. Momsen vart redusert til seks prosent i april 2020, som eit ledd i den statlege krisepakken for koronapandemien. I tråd med gjenopninga av samfunnet etter pandemien vert tiltaket avvikla.

Prisane for fylkesvegferjene vil frå 1. oktober svara til Statens vegvesen sitt takstregulativ for riksvegferjene.