Fekk svar etter eit halvt år
Naturvernforbundet fekk etter seks månader svar på spørsmålet til rådmannen om føringar for ribbtrafikk i Kvam. Forbundet ville vita om det vert stilt krav om konsesjon.
Svaret var kort: Slike krav vert ikkje stilte til fartøy på sjøen med 12 eller færre passasjerar.
– Når svaret var så enkelt at
det ikkje finst konsesjonsreglar for slik trafikk, hadde det vore greitt med eit snøggare svar, skriv Oddvar Soldal i Naturvernforbundet til rådmannen, som bad om orsaking for tidsbruken.