Limfelle: Etter eit par veker på eit kontor på Toloheimen hadde om lag ti insekt gått på limpinnen – eller i limfella. Dei fleste offera er sølvkre, men det er også eit par skjeggkre å sjå. Limfellene er giftfrie, men er tilsette sukker for å lokka til seg insekt. – Skjeggkre et andre insekt, og det er usikkert om det er sukkeret eller dei andre insekta som lokkar dei i fella, seier skadedyrkonsulent Frode Mjelde Thuland i Anticimex Bergen.
