Fall fire meter i Ålvik
Tre menn fall i føremiddag ned frå eit stillas ved Tyrvefjøra Ålvik.
Det melder politiet, som fekk melding om hendinga klokka 11.50. Den eine mannen melde sjølv frå om ulukka.
Vedkomande skal vera uskadd. Ein mann skal ha lettare skadar i hofta og armen, og ein skal ha lettare skadar i hovudet. Mennene vart frakta til kontroll ved Voss sjukehus etter å ha fått legetilsyn, fortel operasjonsleiar Knut Dahl-Michelsen i Vest politidistrikt.
Mennene fall frå ei høgd på fire meter ved saga ovanfor Tyrvefjøra, men fekk delvis dempa fallet ved å ta seg for i stillaset. Dei arbeidde dugnad for Ålvik pensjonistlag på bygget med saga, og hadde lånt stillaset. Golvet dei stod på i stillaset, gav etter, og mennene fall og landa på ei blanding av grus og jord, fortel Dahl-Michelsen.
