Ellefsen til landsbydag

Laurdag 21. september er det landsbydag i Jondal. Dagen opnar med morgonyoga på Hardangerakademiet. Så vert det boblefrukost i Jondal Hotel. Etterpå er det klart for Elvaløpet, før det vert markering av at Elvastien er ti år.

På ettermiddagen vert det landsbytorg i sentrum med sal av lokal mat og landbruksprodukt. Handelsstanden lovar gode tilbod, og det vert marknad på bedehuset. Så skal Per Christian Ellefsen snakka om temaet Gje av di tid, og du gjev glede i gymsalen. Etterpå finn kåringa av beste novelle ved Jondal skule stad. Deretter er det basar på bedehuset. Dagen vert avslutta med landsbykviss på Jondal Hotel.

Arrangørar er Jondal nasjonalparklandsby, næringslivet i Jondal, Jondal bygdelag og Jondal indremisjon.