Ein person omkom i ulukke i Vikøy
Ein mann er stadfesta død etter ei ulukke på fylkesveg 49 like før Vikøy sentrum rett før klokka 20 tysdag kveld.
Ein traktor skal ha mista tilhengaren, som trefte ein personbil i sida. Luftambulansen vart send til staden og alle naudetatar rykte ut.
Det vart først meldt om at føraren av personbilen vart hardt skadd. Helsepersonell dreiv livreddande førstehjelp på staden, men føraren vart stadfesta omkommen kring klokka 20.30. Det skal berre ha vore éin person i bilen.
Vegen er stengd etter ulukka og vil truleg vera stengd minst ein time til, skriv NRK Hordaland klokka 20.45.
Førarkortet til traktorføraren er ikkje kverrsett, ifølgje NRK Hordaland.
Ulykkesgruppa frå Statens vegvesen var gjorde undersøkingar på staden saman med politiet.
Klokka 23.12 melde politiet at vegen var open med manuell dirigering. Kring klokka 01 var det fri ferdsle på vegen igjen.
