Del dine glimt frå påsken!

Fjell? Sjø? Ski? Fjellsko? Fest? Familiekos? Ro? Bråk? Pynt? Brettspel? Krim? Gult? Heilsvart? Kyllingdrakt? Kyllingkos? Eller kanskje kos med ei høne eller to?

HF vil gjerne sjå korleis du feirar påsken – eller kanskje ikkje feirar påsken – og dela det med lesarane våre. 

Send oss gjerne dine bilete frå høgtidsdagane, aller helst i størst mogeleg oppløysing til redaksjon@hf.no. Hugs å skriva kvar bileta er tekne, kva dei syner og kven som eventuelt er avbilda, og pass ikkje minst på at du har samtykke frå sistnemnde til publisering i HF.

Dei som sender oss bilete, er med i trekkinga av eit gåvekort på 1000 kroner på ein valfri butikk i Kvam eller Jondal.

Bileta kan verta publiserte på heimesida vår og i papiravisa. Fristen for å vera med i sjølve tevlinga er onsdag 8. april 12, men det er sjølvsagt mogeleg å senda bilete også etter fristen.

Vinnaren vert kunngjord i HF fredag 10. april.