– Dei slo meg med eit metallrøyr

Andreas Kristiansen Solberg (20) skal ha vorte utsett for vald og innbrot i Tørvikbygd fredag kveld.

– Slo meg i houvudet

– Eg sat ved pc-en. Så kom to maskerte ungdomar og drog meg inn i stova og fekk meg til å setja meg i sofaen, medan dei slo meg med eit metallrøyr, seier Solberg morgonen etter den opprivande hendinga litt før midnatt i går.Medan han måtte sitja fint i ro etter å ha fått eit slag nær det eine auga, vart han og sambuar Malin Iren Tjelmland Helland ribba for alt av verdisaker for truleg over 30.000 kroner i huset dei bur i ved Lyseneset. Pc, kamera og tv var mellom det som forsvann.– Dei gjekk etter elektronikk, fortel Solberg.Den eine heldt vakt ved utgangsdøra, den andre gjekk rundt og samla ting i alle romma minus badet. Tjuvegodset vart bore ut i ein bil, før mennene forsvann.

Fekk tilkalla hjelp

Då mennene var vekke og han høyrde bilen køyra vekk, låste Solberg døra og sende melding til sambuaren, som ikkje var heime, men rett i nærleiken. Ho ringde politiet.– Eg var stressa og sjokkert, seier Solberg.Poliiet og ambulansepersonell kom til staden. Solberg slapp å reisa til legevakt eller sjukehus, men måtta haldast under oppsyn heime i natt på grunn av heileskaking.

– Dei sa ingenting

Solberg veit ikkje korleis bilen såg ut, og hugsar berre ei mørk boblejakke, ei beige bukse og svarte sko i tillegg til finlandshettene. Mennene sa ikkje eitt einaste ord under innbrotet, så han høyrde ikkje kva språk eller dialekt dei snakka. Han fekk inntrykk av at dei var på hans eigen alder.I tillegg til å stela, reiv dei ubedne gjestne laus ting og både slo hol og stakk med kniv i veggene, fortel Solberg.Han og sambuaren har fortalt om hendinga på Facebook, i von om å få tips om kven som stod bak. Solberg håpar nokon har sett eller høyrt noko i området fredag kveld.