Bussane går, men helst utan passasjerar

Kollektivtilbodet stoppar ikkje av koronaviruset, men styresmaktene oppmodar om at buss og tog ikkje vert nytta.

– Kollektivtilbodet skal oppretthaldast, særleg med tanke på å få fram folk som arbeider i kritiske samfunnsfunksjonar. Når barnehagar, utdanningsinstitusjonar og mange arbeidsplassar vert stengde, er det naturleg at reisetala vil gå ned slik at det vert mindre trengsel, heiter det i ei pressemelding frå Skyss.

Selskapet arbeidet med å leggja om tilbodet for å tilpassa det til behova.

– Det er ei generell utfordring er at tilgangen på personell kan påverka handlingsrommet vårt på kort varsel. Til vanleg har me lang planleggingshorisont, og raske endringar er krevjande, både med tanke på å få ut god ruteinformasjon til kundane, og med tanke på vaktplanar og skift for operatørselskapa.

Regjeringa ber altså folk unngå offentleg transport og heller vurdera å gå, sykla eller ha heimekontor. Om det er umogeleg, bør ein reisa utanom rushtida, gå inn bak på bussar, unngå kontant betaling og halda seg minst ein meter vekke frå andre personar.

Vestland og Bergen har vedteke at reisande berre skal nytta buss eller Bybanen om dei får sitjeplass eller ståplass minst ein meter frå andre. Om slike plassar ikkje finst, skal ikkje sjåførane stogga på haldeplassen. Reisande må difor vera budde på at bussane kan koma til å rett forbi dei.