Brann på Kysnesstrand

110 Vest opplyste om brannen klokka 09.29.

Brannen, som fyrst vart omtala som ein skorsteinsbrann, spreidde seg til takkonstruksjonen. Dei to bebuarane vart evakuerte frå bygget og var i kontakt med naudetatane, opplyser Vest politidistrikt.

Klokka 10.01 melde 110 Vest at brannvesenet i Jondal hadde kome fram og at brannen var slegen ned. Det var då ingen opne flammar å sjå. 

Planen var då å opna taket for å sikra at det ikkje var nokon varme att i konstruksjonen. Klokka 10.50 melde 110 Vest at brannen var sløkt. Brannvesenet hadde då rive treverk, og det var ikkje teikn til varme.

Jostein Steinsland-Hauge hjå 110 Vest opplyser til HF at det er usikkert om brannen eigentleg starta i skorsteinen, men det brann i alle høve kring han. Dette vert det opp til politiet å finna ut av.

Brannvesenet har vore i kontakt med restverditenesta, og så vil forsikringsselskap koma inn i biletet etter vart. Huset har ein del skadar etter sløkking med vatn og opning av taket, fortel Steinsland-Hauge.

Brannvesesenet rykte ut frå både Jondal og Oddal, seier han.