— Brann i garasje nær sauer

Det fata i eit bygg i Torsnesvegen i Jondal fredag kveld.

Vest politidistrikt fekk den fyrste meldinga klokka 23.42. Brannen starta i ein garasje som var knytt til ei løe, med ein murvegg mellom, opplyser Øystein Torsnes, fungerande politistasjonssjef i Hardanger politistasjonsdistrikt.

Naudetatane rykte ut til brannen, og klokka 23.56 melde politiet at brannvesenet hadde sløkt brannen. To personar skal ha fått i seg røyk, ifylgje meldinga frå politiet. I løa stod 18 sauer.

— Me veit ikkje meir om årsaka til brannen. Det vert oppretta ei undersøkingssak, seier Torsnes.

Det var ikkje fare for spreiing til andre bygg, ifylgje Torsnes.