Bil mot buss ved Mundheim
Ein bil med éin person og ein buss med 45 personar om bord kolliderte mellom Mundheim og Dysvik i Kvam måndag ettermiddag.
Publisert
Sist oppdatert
Det opplyser operasjonsleiar Tore André Brakstad i Vest politidistrikt til HF. Meldinga kom klokka 16.15, og naudetatane rykte ut til staden.
Ingen i bussen vart skadd, medan bilføraren skal ha hatt smerter etter samanstøyten.
Annonse
Det er trongt på staden på fylkesveg 576 der ulukka hende, så vegen vart stengd i vel ein time. Fyrst om lag klokka 17.30 var det nokolunde flyt i trafikken att, opplyser operasjonsleiaren.
Brakstad opplyser at køyretøya skal ha halde låg fart, men at eit parti med glatt føre truleg medverka til hendinga. Politiet rykte ut, men kjem ikkje til å oppretta sak.
