Bil køyrde av vegen på Kvamskogen
Ulukka i i ein sving ved Kvinnhovden på fylkesveg 49 seint fredag kveld.
Politiet fekk melding om ulukka på Kvamskogen klokka 23.14. Det opplyser Svein Valland Laupsa ved Kvam, Samnanger og Tysnes politistasjon.
Føraren, som var åleine i bilen, var medviten og ute av bilen då naudetatane kom til staden, fortel Laupsa.
Artikkelen held fram under annonsen.
Føraren vart frakta med luftambulanse til Haukeland universitetssjukehus for undersøking og behandling, og hadde lettare skadar.
På staden derimot, var det store materielle skadar, og det er mistanke om ruskøyring. Politiet har oppretta sak etter hendinga, ifylgje Laupsa.
