Bil av vegen i Vikøy
Naudetatane rykte ut for å berga ein bil som heldt på å tippa over måndag ettermiddag.
Rundt klokka 17 i dag rykte naudetatane ut til ein drosje som hadde køyrd av vegen utanfor eit bustadhus i Vikøy. Bilen stod i fare for å velta ned ein skrent, og vart mellombels festa med stroppar og kjetting til ein traktor på staden.
Snøen gjorde vegbana på staden glatt.
Det vart arbeidd med å sikra bilen betre før personane kunne hjelpast. Klokka 17:28 var sjåføren og passasjeren trygt ute av bilen. Dei verkar uskadde, skriv Vest politidistrikt på Twitter.