Åtvarar om byggjeforbod på myr

Naturvernforbundet, Sabima, WWF og Birdlife Norge meiner forslaget om eit byggjeforbod på myr er for dårleg og kan føre til minst like mykje nedbygging av myr.

Det kjem fram i ei pressemelding frå Naturvernforbundet. Lovforslaget som er ute på høyring, har frist 1. november.

– Naturvernforbundet er bekymra for at framlegget til byggjeforbod liknar for mykje på strandsonereglane, der kommunane gir altfor mange unnatak. Difor bør det berre vera statsforvaltarar som kan tillate nedbygging av myr på eit godt fagleg grunnlag, ikkje kommunane, seier Truls Gulowsen, leiar i Naturvernforbundet.

Organisasjonane tilrår at ein i staden går tilbake til forslaget som vart lagt fram av Miljødirektoratet allereie i 2023.

(©NPK)