Alvorleg skadd i ulukke
Ein bil køyrde av vegen og landa på taket på Kvamskogen i kveld.
Ulukka hende på den rette strekkja på fylkesveg 7 mellom Teigabergtunnelen og Måvotno, ved Kleiva.
Bilen hamna i skråninga på sørsida av vegen, og unngjekk tilsynelatande til alt hell å treffa noko på vegen mot stoppestaden.
Fire personar sat i bilen. Dei er sende med ambulanse til kontroll på Haukeland universitetssjukehus, melder politiet på Twitter.
Haukeland universitetssjukehus melder i kveld at ei kvinne på 27 vart alvorleg skadd i ulukka. Ein mann på 29, ein jente på åtte og ein gut på tre år vart lettare skadde.
Det er ikkje opplyst kva årsaka til ulukka var. Vegbanen var våt.