Alkoholsal på norske gardar – kan gå mot fleirtal

Næringskomiteen leverer innstilling i dag, skriv Nationen.

– Å tillate sal av eigenprodusert vin, øl, sider og brennevin over 4,7 prosent er på høg tid, og eg håpar vi no får fleirtal så vi unngår fleire utsetjingar, seier Une Bastholm i MDG.

Ifølgje Bastholm er dette ei moglegheit for nye, norske produkt, inntekter og spelerom for bonden, lokalt reiseliv og identitet, matkunnskap og kontakt mellom bønder og forbrukarar.

– Skal du få til ei satsing på lokal mat og drikke, er dette avgjerande, seier næringspolitisk talsperson Geir Pollestad i Senterpartiet.

Det er knytt spenning til om regjeringa sjølv vil stemme for forslaget. Regjeringa har tidlegare varsla at dei vil komme med tiltak før sommaren, men Stortinget skrur no på gassen.

(©NPK)