50 barn i karantene etter smitte i barnehage i Voss
Ein tilsett er smitta i barnehage i Voss, og både kollegaer og barn blir sette i karantene. Kommunen set det i samanheng med utbrotet av det muterte viruset.
Rundt 50 barn i Klausabakken barnehage blir definerte som nærkontaktar av den smitta tilsette, og dei blir derfor sette i karantene.
Det same gjeld ti tilsette ved barnehagen. Alle involverte er kontakta av kommunen og blir testa i løpet av måndag.
Artikkelen held fram under annonsen.
– Det er kopling til utbrotet i Ulvik, og det blir derfor lagt til grunn at vi snakkar om det muterte engelske viruset, opplyser kommunen i ei pressemelding.
(©NPK)
