20 kommunar vidare i kampen om batterifabrikk
Fleire kommunar har fått beskjed om at dei ikkje er aktuelle for Hydros nye batterifabrikk. 20 kommunar er med vidare.
Norsk Hydro har planar om å etablerte ein gigantisk batterifabrikk i samarbeid med Equinor og Panasonic. Bakgrunnen er målet til EU om å bli meir uavhengige av batteri frå Asia.
Ifølgje NRK melde 82 kommunar seg på med planar og gode argument for at deira prosjekt var det beste. I dag annonserte Hydro at dei går vidare med rundt 20 tomteforslag rundt om i landet, men dei vil ikkje seie kva kommunar det er snakk om.
Artikkelen held fram under annonsen.
NRK har snakka med fleire kommunar som stadfestar at dei enten er med eller ute av kampen om batteriproduksjonen. Dei som er ute av kampen er Narvik/Harstad, Fauske og Vefsn i Nordland. I Trøndelag Steinkjer, Stjørdal, Levanger og Verdal, Malvik, Orkland, Rennebu, Heim, Trondheim, Grong, Namsos, Overhalla, Indre Fosen og Midtre Gauldal.
I Møre og Romsdal har Aukra, Aure, Hustadvika, Sunndal, Surnadal, Kristiansund, Vestnes og Ålesund fått nei.
I Vestland har desse kommunane fått nei: Alver/Austrheim, Askøy, Bjørnafjorden, Bremanger, Kinn, Kvinnherad, Masfjorden/Gulen, Voss, Øygarden, Sunnfjord/Høyanger/Hyllestad/Fjaler/Askvoll.
I Rogaland er Tysvær, Time og Bjerkheim ute av dansen.
I Agder har Grimstad, Kristiansand og Vennesla fått avslag. I Viken er Kongsberg ute, medan Toten, Elverum og Dovre har fått nei i Innlandet.
NRK har fått stadfesta at Stjørdal og Malvik i Trøndelag er med vidare, og det er også Tysvær og Sandnes i Rogaland. I tillegg er også Elverum i Innlandet framleis ein aktuell kandidat
Fylkesordførar Jon Askeland (Sp) seier til Bergens Tidende at om det blir slik at ingen av dei gode kandidatane frå Vestland blir med vidare, så vonar han at fabrikken kjem i eit nabofylke.
– Det vil vere tragisk om fabrikken kjem på Austlandet, og at dei skal bruke vår kraft i produksjonen, seier han.
Artikkelen held fram under annonsen.
