129.000 uleverte pakkar på Posten
Postens utleveringsstadar opplever stort trykk og har framleis 129.000 uleverte pakkar på postkontoret eller i butikken.
Hos Postens utleveringsstader rundt omkring i landet ligg det 129.000 pakkar og ventar på å bli henta, skriv NRK.
Før jul endra Posten hentefristen frå to veker til sju dagar for å frigjere plass og få sendt pakkane raskt tilbake til nettbutikkane. Dersom kundar ikkje kan hente innan fristen, blir den normalt returnerte. Men det er måtar å forlengje fristen på.
Artikkelen held fram under annonsen.
Sven Aage Lysebo, dagleg leiar i Logistikkavdelingen AS, som driv med retur av pakkar, har merka endringa.
– Vi tippar at vi har ei femdobling av returane på ikkje-avhenta pakkar, seier Lysebo til NRK.
Han meiner kundane har vorte for dårleg informerte om endringa. Derfor skal firmaet kontakte kvar enkelt kunde og spørje om dei vil få pakkane levert på nytt.
Pressesjef Kenneth Pettersen i Posten er usamd i dette, og seier talet på pakkar som ikkje er henta ligg på same nivå som i fjor.
– Vi opplever ikkje at dette er eit stort problem. Dei fleste pakkane blir henta i gjennomsnitt innan eit og eit halvt døgn, seier Pettersen til allmennkringkastaren.
(©NPK)
