11 nærkontaktar er sette i karantene
Dei 11 har vore i kontakt med smitta i Ulvik, opplyser ordførar Roald Aga Haug i Ullensvang tysdag kveld. Dei vil verta testa i nær framtid.
Så langt er det ikkje kome meldingar om positive koronatestar i Ullensvang den siste tida. I Ulvik er det i alt registrert 28 smittetilfelle på kort tid. I Kvam er fire tilfelle registrerte.
Artikkelen held fram under annonsen.
Voss herad opplyser i ei pressemelding i kveld at to av dei smitta i Ulvik har vore skuleelevar i Voss herad, og at ein difor reknar med fleire positive testar dei neste dagane. Fleire har fått symptom på covid-19. Talet på nærkontaktar er stort, og arbeidet med å spora opp og kontakta desse går føre seg og vil halda fram onsdag. Det eine smittetilfellet på Voss kjem av det muterte viruset frå Storbritannia.
Voss herad opplyser om smittetilfelle ved vaksenopplæringa både på Voss Gymnas og i Voss kulturhus, og eit venta smittetilfelle på Voss vidaregåande skule.
