Vossajazz avlyst også i år

Arrangøren av Vossajazz melder at festivalen blir avlyst også i år på grunn av koronapandemien.

– På bakgrunn av tilrådingar frå styresmaktene og den uvissa vi alle står i, vurderer vi det slik at det rett og slett ikkje er forsvarleg å skipe til festival i palmehelga, heiter det i ei pressemelding.

Det kan likevel bli ny festival til hausten. Arrangøren har sett av helga 24.–26. september til Vossajazz 2021.

Vossajazz opplyser at alle som har kjøpt billettar til festivalen i palmehelga, vil få igjen pengane.

– Vi gler oss til å sjå alle flotte vossajazzarar – artistar, publikum, frivillige og andre besøkande – igjen på Vossevangen til hausten, heiter det i meldinga frå Trude Storheim i Vossajazz.