Felespelaren frå Kvam fekk Audhild Flaktveit Moxnes minnepris tildelt på Vestlandskappleiken i Bergen laurdag. Vågen har spela fele sidan ho var åtte år gaman, og er i dag aktivt i fleire grupper og som solomusikar. – Ho har hatt fleire lærarar i tradisjonen ho kjem frå, og har tileigna seg stoffet med dedikasjon og interesse, heiter det i ei pressemelding frå styret for minneprisen. Vågen er plukka ut til å vera med i Masterclass Hardanger med Knut Hamre som lærar. – Vågen får prisen fordi styret ser henne som eit stort talent og ein komande vidareførar av hardingfelespel, skriv styret.
Omkom tidleg i ulukke
Føremålet med prisen er å oppmuntra unge og lovande utøvarar på hardingfele på Vestlandet. Prisen er til minne om ein hardingfelespelar og folkedansar som omkom i ei trafikkulukke då ho var berre 17 år gamal i 2004. Prisen har vore delt ut sidan 2007, og er støtta av Sparebanken vest.
