Kronprinsesse Mette-Marit er med på fosseprisutdeling
Kronprinsesse Mette-Marit er med på Fosseforedraget og utdelinga av Fosseprisen for 2026. Arrangementet blir halde på Slottet. Det kjem fram av det offisielle programmet til kronprinsessa. Arrangementet går av stabelen 23. april.
Den amerikanske forfattaren Marilynne Robinson held årets foredrag, medan nederlandske Paula Stevens er vinnar av Fosseprisen for omsetjarar i 2026.
Annonse
Også kronprins Haakon deltek.
Kronprinsesse Mette-Marit er alvorleg sjuk av lungefibrose og er difor sjeldnare på oppdrag. Då ho tok imot dei norske utøvarane frå paralympiske vinterleikar førre veke, stilte ho med pustehjelp.
(©NPK)
