Frå venstre: Harald Kjosås, Kjell Einar Sekse, Margunn Valestrand, Svein Johannes Stuve og Gjermund Stuve. Foto: Sigbjørn Linga

Distansert utekonsert i Øystese

Ein utandørs minikonsert fekk fleira til å sperra opp øyro og augo i Øystese sundag.

Ein kvintett musikantar skipa til det som på moderne norsk heiter popupkonsert ved hjørnet av Ingebrigt Vik Museum i Øystese.

Ein flokk forbipasserande stoppa og lytta, og kanskje fekk nokre av bebuarane på Mikkjelsflaten med seg blåsarmusikken med nasjonal og vårleg svip.

Ein av musikarane, Harald Kjosås, opna dagen med ein utandørs trudelutt heime, noko som gav meirsmak og vart opptakta til påfunnet.

Og berre så det er sagt: Både musikantar og tilhøyrarar heldt god avstand til einannan.