Nok ei lang natt med pumping
For tredje gong på under ein månad måtte det pumpast vatn ut av kjellaren i Thon Hotel Sandven då ekstremvêret Elsa kom til Kvam. Sjå biletserie frå Norheimsund og Øystese her.
Resepsjonist Geir Vikebø fortel at hotellet har vore førebudd på flaumen.
– Me ligg der me ligg. Me har flytta vekk alt som kan verta skadd. Resten toler vatn. Kjellaren er hovudsakleg brukt til lager, seier han til HF.
Vatnet har komme opp gjennom grunnmuren til hotellet. Vikebø fortel at det ergjort utbetringar sidan ekstremvêret Didrik, mellom anna nye vasslåsar i sluka på bada, der det kom mykje vatn opp sist. Det har fungert bra.
Situasjonspumper med vasstandsmålarar har gått på hotellet sidan måndag føremiddag. Klokka 23.15 byrja det første vatnet å trenga inn. i 00.30-tida var det vatn til ankelhøgd i fleire rom i kjellaren.
Ingen gjestar vart råka.
Har du bilete frå floda, så send dei gjerne til HF.
