Båt saknar eigar
Eig du denne båten?
Vernøy-båten kom på rek under stormfloda i Norheimsund natt til onsdag, og er no teken på land av Kjell Einar Sekse i Øystese.
Før båten byrja reka, låg han ved bryggja til Bård Sandven i Norheimsund sentrum, men båten er ikkje hans. Han fortel at båten brått dukka opp der, utan årar og motor, men med ei bensinkanne.
Sekse opplyser at han har lensa båten, som ligg trygt forvara i båthamna i Øystese. Han ligg bak låst port, så eigaren må ta kontakt med finnaren om han vil ha tilgang.
