Næringsministeren inviterer til møte om overturisme

Næringsminister Torbjørn Røe Isaksen har invitert aktørar og destinasjonar til møte 16. januar, for å høyra om utfordringar og løysingar knytte til overturisme.

– Veksten i reiselivet må skje på ein måte som kjem lokalbefolkninga til gode, og samstundes tek vare på våre unike natur- og kulturressursar, seier Isaksen i ei pressemelding frå regjeringa.Målet med møtet er å få presentert kva utfordringar dei mest besøkte reisemåla opplever, og å koma fram til forslag til løysingar både lokalt, regionalt og nasjonalt.Røe Isaksen han òg vil synleggjera dei verkemidla kommunane allereie har.Mellom destinasjonane som skal vere representerte i møtet er Geiranger, Flåm/Aurland, Bergen, Trolltunga og Preikestolen/Kjerag. Kvar av destinasjonane skal gje ein kort presentasjon av sine erfaringar.

NPK