Publisert 01. desember 2019 kl. 10.50. Oppdatert 01. desember 2019 kl. 12.45.

Har ryggsmerter etter utforkøyring


Ein bil har køyrt av svært glatt veg ved Berge i Tørvikbygd.
Det melder 110 Hordaland på Twitter.
Ulukka hende i svingane på fylkesveg 49 før den rette strekkja ved Bergsvatnet. Bilen skal ha køyrt i fjellveggen. Alle naudetatane rykte ut.
Ifølgje Vest politidistrikt sat to personar i bilen. Passasjeren opplyser at han har smerter i ryggen etter ulukka, som vart varsla klokka 10.41. Dessutan har bilen skadar. Passasjeren vert frakta til sjukehus med eit mogeleg brot i ryggen, ifølgje politiet.
Det er svært glatt på vegen der ulukka hende, melder 110 Hordaland.