Førebels sterk Ap-dominans i Ullensvang

Når 43 prosent av stemmene er talde i Ullensvang kommune, har Ap fått 41,8 prosent av dei. Sp har 25,3 prosent.

Ventar med vill jubel

Det syner dei førebelse valresultata på valg.no etter oppteljing av førehandsrøystene og nokre hundre andre stemmer. Ap ligg an til å få 14 og Sp til å få 9 mandat. Ap kan få reint fleirtal gjennom eit samarbeid med berre Raudt, som ligg an til å få tre mandat.– Me skal ikkje jubla for tidleg, men me har den beste ordførarkandidaten og har argumentert for at me skal ta heile kommunen i bruk, seier Olav-Magnus Hammer (Ap) frå Jondal etter å ha sett dei førebelse resultata.Både han og kumulerte Kjellaug Hoås Samland (Ap) ligg an til å få plass i det nye kommunestyret om ikkje veljarane har tukla for mykje med listene i deira disfavør.– Eg vart overraska, så overraska at eg var i tvil om det kunne stemma, seier fyrstekandidat Roald Aga Haug i Ap.Ordførarkandidat Lajla-Margrethe Lindskog-Lund (Sp) seier ho har tru på at det kan jamna seg ut mellom Ap og Sp når alle røystene er talde.– Eg er optimist, seier ho.Reidun Haugen Dalseth (KrF) frå Jondal ser så langt ut til å ha gjort eit dårleg val. Ho kan som kumulert toppkandidat få den eine plassen partiet ser ut til å få så langt. men det avheng av personstemmene.

Fordelinga

Dei andre resultata er følgjande når 43 prosent av røystene er talde:Høgre 12,1 prosent (4 mandat)Raudt 7,6 prosent (3 mandat)SV 3,7 prosent (1 mandat)Frp 3,1 prosent (1 mandat)KrF 3,0 prosent (1 mandat)V 2 prosentMDG 1,4 prosent