Stoppa biltjuvar i Grova

Politiet stoppa ein stolen bil på fylkesvegen midt i Grova måndag morgon. To tenåringar, som ikkje er frå Kvam, vart tekne med til politistasjonen, fortel overbetjent Andor Helgheim i Kvam, Fusa og Tysnes lensmannsdistrikt.

Bilen vart meld stolen i Bergen natt til måndag.

I helga vart det òg oppdaga innbrot i ein bil ved Rema 1000 i Norheimsund. I tillegg fekk politiet måndag melding om eit innbrot i ei hytte på Kvamskogen.

– Me kan ikkje automatisk seia at det er nokon samanheng mellom hendingane, seier Helgheim.