Kva skal skje her?
Er du på utkikk etter nye kontorlokale eller ein plass å etablera bedrifta di? Kanskje treng du betre lagerplass? Då bør du lesa vidare. Til våren vert det nemleg fint renoverte lokale i Steinsdalen til leige, og her er det plass til mange.
Noko for deg?
Visste du at den gamle yrkesskulen i Steinsdalen har 8.000 kvadratmeter med bygningsmasse og ei 30 mål stor tomt? Her er alt frå lagerplass og dusjar til gymsal, kontor og verkstadar, og ikkje minst, stor uteplass.
Det er brukt mykje pengar på eigedomen dei siste fem åra. Eigedomsutviklar Sæthre fortel om planane for den tidlegare yrkesskulen ein mild vårdag i midten av mars. Tydelege spor frå hektisk byggjeaktivitet vitnar om investeringsvilje og pågangsmot. Vegger og tak er nymåla i lekre fargar, golva bona og det elektriske anlegget er sett i topp stand. Neste steg er å rusta opp bygningane utvendig. Dalatunvegen AS, selskapet som kjøpte eigedomen i fjor vår, skal kunna tilby kva som helst bedrift tenlege lokale, lovar Sæthre.
Det kan vera handverkarar som treng lagerplass eller større bedrifter med behov for mange kontor. Om det er småskala produksjonsbedrifter som lagar bord og stolar, sjokolade eller sider, kva som helst eigentleg, skal det finnast tilrettelagde rom i Steinsdalen.
Bilete 1 av 3
I dette lokalet kan ein sjå for seg eit ope kontorlandskap eller kanskje eit kunst- eller treningsstudio. Det er berre fantasien som set grenser for kva ein kan fylla romma med.Bilete 2 av 3
I dette lokalet kan ein sjå for seg eit ope kontorlandskap eller kanskje eit kunst- eller treningsstudio. Det er berre fantasien som set grenser for kva ein kan fylla romma med.Bilete 3 av 3
I dette lokalet kan ein sjå for seg eit ope kontorlandskap eller kanskje eit kunst- eller treningsstudio. Det er berre fantasien som set grenser for kva ein kan fylla romma med.Det er berre fantasien som set grenser.
– Me er på jakt etter nokon som har lyst til å vera her, og for dei vil me strekkja oss veldig langt, seier Sæthre.
Meir enn berre ein arbeidsplass
Visjonen er å leggja til rette for eit sosialt fellesskap også utanom arbeidstida. Fellesareala, som omfattar mellom anna uteplass og kantine, skal byggjast «stein på stein» i samråd med leigetakarane. Sæthre fortel at dei ser for seg ein glaspaviljong med peis på plenen mellom bygga. Han leikar òg med tanken på å arrangera sosiale eller faglege tilstellingar som gjer at folk kan tenkja seg å vera igjen ein time etter arbeidstid.
Bilete 1 av 4
«Åttekanten», som dette bygget vert kalla, kan passa ypparleg til ei bedrift som treng fleire kontor i nærleiken av kvarandre. Under glaskuppelen er det plass til ei sofagruppe. Det er mange ledige kontor i Dalatunvegen.Bilete 2 av 4
«Åttekanten», som dette bygget vert kalla, kan passa ypparleg til ei bedrift som treng fleire kontor i nærleiken av kvarandre. Under glaskuppelen er det plass til ei sofagruppe. Det er mange ledige kontor i Dalatunvegen.Bilete 3 av 4
«Åttekanten», som dette bygget vert kalla, kan passa ypparleg til ei bedrift som treng fleire kontor i nærleiken av kvarandre. Under glaskuppelen er det plass til ei sofagruppe. Det er mange ledige kontor i Dalatunvegen.Bilete 4 av 4
«Åttekanten», som dette bygget vert kalla, kan passa ypparleg til ei bedrift som treng fleire kontor i nærleiken av kvarandre. Under glaskuppelen er det plass til ei sofagruppe. Det er mange ledige kontor i Dalatunvegen.– Vår jobb er å stimulera bedriftene til å ha lyst til å vera her. Det gjer me ved å få dei tilsette til å trivast. Det er jo bedriftene som har hovudansvaret for trivselen til arbeidstakarane, men me kan påverka indirekte ved å skapa gode og inspirerande omgjevnader, seier Sæthre.
Gode fasilitetar og universell utforming
Vona er å nytta dei ulike fasilitetane til det dei i utgangspunktet er bygde for. Verkstadane, lagerplass og vaskehall har ein eigen bruksverdi, og det er synd å måtta riva dei, seier Sæthre. Det beste er om alt kan koma til nytte.
Bilete 1 av 4
Sæthre ynskjer å få til ei ordning der lag og privatpersonar kan tinga seg tid i hallen.Bilete 2 av 4
Sæthre ynskjer å få til ei ordning der lag og privatpersonar kan tinga seg tid i hallen.Bilete 3 av 4
Kantina kan brukast til mangt. – Kanskje er det nokon som har lyst til driva kafé her, seier Sæthre.Bilete 4 av 4
Den gamle peisestova, som ligg vegg i vegg med kantina, er eit fint opphaldsrom.Mellom anna ynskjer eigarane at gymsalen vert teken i bruk. Sæthre fortel at dei ser for seg ei løysing der lag og privatpersonar kan tinga seg tid i hallen, og at han slik vert tilgjengeleg for ålmenta. Kantina kan leigast ut til ulike tilstellingar, som til dømes konfirmasjonar. Men Sæthre stikk ikkje under stol at det hadde vore ekstra stas om nokon har lyst til å driva kafé og catering frå kantina i Steinsdalen. I så fall står eigarane klare til å rusta opp kjøkenet til moderne standard. Moglegheitene er mange.
– Får me til våre visjonar, vil dette kunna verta ein livat stad, seier Sæthre.
I tillegg til å vera i god stand stettar bygningane krava til universell utforming. Dei har i alt 12 handikaptoalett og heisar mellom alle etasjar. Sæthre seier at fylkeskommunen har ord på seg for å ta godt vare på bygga sine, og det var ei av årsakene til at Dalatunvegen AS ynskte å investera i eigedomen.
– Me kjøpte eigedomen fordi det er mykje areal her som me kan utvikla. Dessutan låg det til grunn at fylkeskommunen skulle vera leigetakar fram til den nye vidaregåande skulen kjem i gang. Me var trygge på at det ville vera nok tid til å snu dette til eit prosjekt som kan tilføra bygda noko.
Plass til alle som vil
I dag er det tre leigetakarar ved den gamle skulen: Vestland fylkeskommune, Kvam herad og Bygg‘da. Fylkeskommunen leiger om lag 40 prosent av bygningsmassen. Om tre år skal den vidaregåande skulen i Norheimsund stå klar, og leigeavtalen i Steinsdalen går ut. Det vil frigjera endå meir areal, mellom anna eit nytt og moderne auditorium med plass til 100 personar. Kvam herad leiger gymsalen til koronavaksinering fram til 1. april, og det nyetablerte bygg- og anleggselskapet Bygg‘da leiger lagerplass.
Bilete 1 av 3
Vestland fylkeskommune leiger om lag 40 % av byggningsmassen i Dalatunvegen, mellom anna eit nytt og moderne auditorium med plass til 100 personar.Bilete 2 av 3
Vestland fylkeskommune leiger om lag 40 % av byggningsmassen i Dalatunvegen, mellom anna eit nytt og moderne auditorium med plass til 100 personar.Bilete 3 av 3
Vestland fylkeskommune leiger om lag 40 % av byggningsmassen i Dalatunvegen, mellom anna eit nytt og moderne auditorium med plass til 100 personar.Sjølv om det ikkje har vore lyst ut ledige lokale enno, har det altså vore leigt ut mindre areal innimellom. Dalatunvegen AS er i dialog med fleire aktuelle leigetakarar som har teke kontakt på eige initiativ, men inntil vidare er det mange ledige lokale. Huseigaren ynskjer at alt skal vera klart før han tek steget vidare og lyser ut lokala.
– Og klart vert det no til våren. Då vil me ta inn leigetakarar slik at dei får sommaren til å områ seg på. Skulen er eit utruleg flott lerret. Han har alle mogelegheiter. Uansett kva leigetakarar som kjem, har me plass til alle. Me skal òg vera konkurransedyktige på pris, fortel Sæthre.
Nytt namn
Ei nøtt som Sæthre gjerne skulle hatt hjelp til å løysa, er å finna eit nytt namn på staden. «Yrken» eksisterer ikkje lenger, og om nokre år vil Kvam vidaregåande skule vera å finna i Norheimsund sentrum. Om nokon skulle sitja på eit godt namn, er Sæthre svært interessert.
– Me ligg jo i Steinsdalen, så kanskje noko med det, eller noko heilt anna. Eg er open for innspel, seier han.
– Dalatunvegen er på veg til å verta ei fyrtårnsbedrift, og me ynskjer å tiltrekkja oss fleire fyrtårnsbedrifter, legg Sæthre til.
– Kven er draumeleigetakaren?
– Det må vera Hardanger AKS!
KONTAKT: Dalatunvegen AS / Telefon: 986 19 700