Det vart heitt i lunsjbrakka til GBS Entreprenør AS torsdag kveld.

Brann i Norheimsund

Brannvesenet rykte torsdag kveld ut til ein brann i Norheimsund.

Charlotte Svendsen Journalist
Ragnhild Økland Børven Journalist
Publisert Sist oppdatert

Politiet fekk melding om hendinga klokka 19.30, melde Vest politidistrikt i Politiloggen.

Sjå video:

– Me har fått melding om at det skal brenna i det som kan vera ei arbeidsbrakke ved Spar, sa vaktleiar ved 110-sentralen, Stian Kvam.

Det var i ei lunsjbrakke i ein konteinar av stål det tok fyr.

Ein tilsett i GBS Entreprenør AS var i nærleiken då brannen vart oppdaga. Han skulle ta imot noko og såg at det var fyr i brakka. 

Innsatsleiar i Kvam brann og redning, Svein Valland Laupsa, fortel at brannvesenet rykte ut og byrjaå  sløkkja. Etter eit kvarter var brannen under kontroll.

Like før klokka 20.00 kom det framleis godt med røyk frå arbeidsbrakka.

– Det var mykje og forholdsvis farleg røyk å pusta inn, og det var veldig mykje folk her. Så me var uroa for det, seier Laupsa.

Brannvesenet bad folk om å trekkja vekk.

Desse ungdomane hadde naturlegvis fotografert og filma brannen lenge før HF kom til staden.

Effekten av arbeidet var god, og det var ikkje fare for at brannen skulle spreia seg, seier Kvam.

Om lag klokka 20 var brannvesenet i gang med å kjøla ned brakka for å hindra at brannen skulle blussa opp igjen.

Sjå fleire bilete her: 

kvam brann og redning høyrt gjete brann nyhende norheimsund

Siste nytt

Laga med Labrador CMS