Fekk hyttebrann under kontroll
Ei hytte vart totaltskadd i brann natt til laurdag. Ei stund var det fare for at brannen kunne spreia seg.
Publisert
Sist oppdatert
Kvam brann og redning og politiet rykte litt før klokka 00.30 natt til laurdag ut etter å ha fått ei melding om ein brann i ei hytte i hyttefelt i Brennavegen i Kvam. Feltet ligg ovanfor fylkesveg 49 mellom Aksnes og Vangdal.
Det melde 110 Vest på X klokka 00.29. Politiet melde i Politiloggen at brannen vart meld klokka 00.12. Klokka 00.40 var politiet og brannvesenet vel framme.
Annonse
Brannen skal ha spreidd seg til det svært tørre terrenget, og det var fare for spreiing. Hytta er overtent. Klokka 01.04 melde politiet at det vart arbeidd med å avgrensa spreiinga. Klokka 01.35 melde politiet at brannen var under kontroll. Mannskap frå Norheimsund, Ålvik, Omastrand og Samnanger deltok, skriv Bergens Tidende.
Bergens Tidende skriv laurdag morgon at ein familie med to born og to vaksne var i hytta. Teorien er at brannen kan stamma frå ei bålpanne som var i bruk fredag kveld. I alle fall starta han på utsida av hytta, skriv avisa.
Ingen trong helsetilsyn, ifylgje politiet.
Sjå video frå sløkkjearbeidet her (video: HF-tipsar):
