Kvemming fekk toppsjefsstilling
Rune Skjelvan frå Norheimsund er tilsett som ny administrerande direktør og senior partnar i KPMG.
Det skriv E24. 55-åringen har jobba i revisjon- og rådgjevingsselskapet i over 20 år, og har vore konstituert i stillinga sidan Lars Inge Pettersen sa henne frå seg i sommar.
Skjelvan er utdanna siviløkonom og har fram til no leia rådgjevingsdelen av verksemda. Det er fyrste gong ein administrerande direktør i selskapet ikkje er revisor.
Artikkelen held fram under annonsen.
– Rådgjeving er den største avdelinga i selskapet, så det var kanskje logisk med ein sjef derfrå no, seier kvemmingen til E24.
Ifylgje avisa vil Skjelvan setja teknologi høgt på agendaen.
I Noreg har KPMG om lag 1.800 tilsette og partnarar fordelte på 23 kontor.