Vitjar Øystese for å dela jødisk slektshistorie
Forfattar, føredragshaldar og tidlegare advokat Dag Steinfeld vitjar Kunsthuset Kabuso i Øystese 4. mars.
Steinfeld skal halda føredrag om boka «Fedre og sønner — en familiehistorie fra tsarens Russland til den kalde krigen» og dela familiehistorier. Det opplyser arrangør Kvam Senioruniversitet i ei pressemelding.
Steinfeld gav ut boka i 2022. Ho inneheld historier om den jødiske familien på farssida til Steinfeld, der fedrar og søner har stått mot kvarandre i familien gjennom to verdskrigar, økonomiske krisetider og kald krig. Forfattaren skildrar dei siste hundre åra i Europa slik éin familie har opplevd dei.
Artikkelen held fram under annonsen.
Steinfeld la advokatkarrieren på hylla i 2019. No arbeider han med oppgåver knytte til menneskerettar, humanisme og kultur.
