Hardanger Maskin får refs: – Deponeringa er omfattande
Ullensvang kommune ber Hardanger Maskin AS om å rydda opp.
Det vert lagra avfall og deponert utstyr som tek stor plass og ikkje openbert står fram som materiale tiltenkt nytta i næringsverksemd, skriv kommunen i eit førehandsvarsel om pålegg.
Førehandsvarselet er resultat av ei synfaring 20. november. No lyt anleggsverksemda fjerna avfall og rydda områda innan januar er omme.
Artikkelen held fram under annonsen.
– Skjemmande
Synfaringa kom etter at Miljødirektoratet tidlegare i haust vart varsla om mogleg forsøpling og fare for ureining tre stader anleggsverksemda held til. Dei aktuelle eigedomane er på Alsåker, på den mykje omtala tomta bak «Pilaverkstaden» i Jondal og eit område i Kvalvik, som mellom anna inkluderer eit nedlagt kvartsbrot.
Bilete 1 av 5
Slik såg det ut på tomta på «Pilaverkstaden» i Jondal sentrum nokre dagar før synfaringa.Bilete 2 av 5
Slik såg det ut på tomta på «Pilaverkstaden» i Jondal sentrum nokre dagar før synfaringa.Bilete 3 av 5
Slik såg det ut på tomta på «Pilaverkstaden» i Jondal sentrum nokre dagar før synfaringa.Bilete 4 av 5
Slik såg det ut på tomta på «Pilaverkstaden» i Jondal sentrum nokre dagar før synfaringa.Bilete 5 av 5
Slik såg det ut på tomta på «Pilaverkstaden» i Jondal sentrum nokre dagar før synfaringa.Uromeldinga viste til utrangerte og delvis demonterte maskiner, bilar, knuste oljefat og konteinarar med spillolje. Meldaren hevda at det på Alsåker viste på plassen at det var sølt større mengder med olje og diesel. «Det er heller ikkje uvanleg at spor av olje og diesel kjem opp i fylkesvegen», skreiv meldaren.
Ullensvang kommune skriv at områda såg ut til å ha vorte rydda noko før synfaringa, samanlikna med bilete i uromeldinga. Kommunen kunne ikkje avdekkja at det var ulovleg forureining på stadene, men avdekte ulovleg forsøpling og lagring av brukte gjenstandar over fleire større område.
Bilete 1 av 6
Bilete tekne av Ullensvang kommune under synfaringa 20. november.Bilete 2 av 6
Bilete tekne av Ullensvang kommune under synfaringa 20. november.Bilete 3 av 6
Bilete tekne av Ullensvang kommune under synfaringa 20. november.Bilete 4 av 6
Bilete tekne av Ullensvang kommune under synfaringa 20. november.Bilete 5 av 6
Bilete tekne av Ullensvang kommune under synfaringa 20. november.Bilete 6 av 6
Bilete tekne av Ullensvang kommune under synfaringa 20. november.Arealmangel
På ei tomt i Kvalvik er avfall saman med materiale til bruk i verksemda lagra på ein måte som kan utgjera helseskade eller medføra ulukke eller helseskade, skriv kommunen. Avfallet består mellom anna av rustne røyr, motoriserte køyretøy som skal kasserast, isolasjon og plastdunkar. Kommunen meiner at avfallet verkar skjemmande på miljøet og kan medføra nedsett trivnad.
Utstyret som er lagra, er heller ikkje sikra, skriv kommunen. Mellom anna hadde nokre røyr falle ned i ein bekk, og ei blandemaskin på ramme stod i ei steinrøys, utan stabil grunn under synfaringa. Saman med lagringa langs Fjordavegen og ved Alsåker står det fram som svært uryddig, skriv kommunen.
Dagleg leiar og presseansvarleg i Hardanger Maskin, Tore Eiken, var med på synfaringa. Ifylgje kommunen forklara han at ein del av rotet er avfall, og at mangel på areal for mellombels lagring er noko av grunnen til at han har valt å lagra det saman med utstyr og materiale til verksemda.
HF kontakta den daglege leiaren i midten av november i samband med varsel om synfaring. Då ynskte ikkje Eiken å kommentera saka. Tysdag 2. januar lukkast ikkje HF å få tak i han.
– Dels rydda
Tomta i Jondal leiger Hardanger Maskin av Ullensvang kommune. Der var det lagra noko avfall, men området hyste mest utstyr tiltenkt næring. Eit bilete i uromeldinga synte mellom anna ein gasstank, men han var ikkje å sjå på synfaringa. Området var til dels rydda, ifylgje kommunen.
Artikkelen held fram under annonsen.
Ein kontainer på området mangla dør og kunne difor ikkje låsast. Det kan såleis ikkje lagrast utstyr i han som kan utgjera fare for helseskade eller ulukker for dei som ferdast der. Elles på tomta var det lagra betongelement og røyr. Eit rusta røyr låg i ein tørrlagd bekk.
For å unngå pålegg lyt verksemda fjerna avfall og rydda områda, og stadfesta skriftleg innan 30. januar at det er gjort.
Bilete 1 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 2 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 3 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 4 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 5 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 6 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 7 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 8 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 9 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 10 av 11
Desse bileta er tekne langs Fjordavegen og ved Kvalvik nokre dagar før synfaringa.Bilete 11 av 11
Desse bileta er tekne langs Fjordavegen og ved Kvalvik nokre dagar før synfaringa.Må organisera og sikra
Avsendaren av uromeldinga meiner naboar har klaga til Ullensvang kommune før, utan at det er fylgt opp. Kommunalsjef for teknikk og miljø, Randi Karin Habbestad, seier at ho ikkje er kjend med at det har kome klagar tidlegare. Heller ikkje arkivmedarbeidarar har funne tidlegare klagar, opplyser ho.
Olav J. Råen har eit sommarhus like ved verksemda på Alsåker. At det er mange ting på og ved kaien, gjer ikkje han noko. Slik han ser det, må det vera verst for dei sjølve, som lever i det.
– Eg har aldri høyrt nokon som har klaga, seier han.
På dei eigedomane der arealføremålet er næring og industri, lyt ein rekna med at det vert lagra utstyr som faktisk er i bruk til næringsverksemda. Men det må vera organisert og sikra, slik at det ikkje kan medføra ulukker og skade, skriv kommunen.
