Vil skapa synergieffektar for unge i næringslivet
Kvam Næringsråd har søkt om 90.000 kroner frå kraftfondet i Kvam til eit prosjekt retta mot unge i næringslivet.
Føremålet med prosjektet Kvam U40 er å stimulera til at nettverk av personar med spanande arbeid og prosjekt vert etablerte og at fleire vert kjende med kvarandre. Dette skal skje etter førebilete av Sogn U40, eit tverrfagleg nettverk av ambisiøse, unge og profesjonelle som vil vera med og byggja framtida i Sogn. Nettverket rettar seg mot både privat og offentlege verksemder.
Hovudmålet for Kvam U40 er å skapa ein arena for fagleg utvikling for unge talent, auka attraktiviteten for Kvam som stad å flytta til og å testa og etablera ei drift som kan gå over i eit hovudprosjekt i 2024. Ein vil skipa til eit arrangement våren 2023 og to arrangement hausten 2023.
Artikkelen held fram under annonsen.
Styringsgruppa for prosjektet har representantar for ulike næringslag og -råd, næringsliv, frivillige lag og organisasjonar og andre unge ressurspersonar.
Samla prosjektkostnad er 200.000 kroner, der 80.000 skal gå til prosjektleiing.
