– Har ikkje høve til å oreigna
Irene Brurok meiner Kvam herad ikkje har høve til å oreigna rettar frå hennar eigedom i Skutevik, gard nummer 87/107. Utspelet kjem etter at ho er varsla om mogeleg oreigning på vegner av Tørvikbygd Båtlag. Ho viser til at eigedomen er del av ein reguleringsplan som er meir enn ti år gamal, og meiner difor at heradet ikkje har høve til å oreigna.
– Dersom kommunen likevel gjennomfører oreigning og dermed fråtek meg rettar i sjøen som bortfall av tilflot og bøyeplass framfor naustet, vil eg krevja vederlag for påført tap, skriv Brurok.
