Nasjonal transportplan kjem fredag
Stortingsmeldinga om nasjonal transportplan blir lagd fram førstkommande fredag.
Regjeringa lovar at planen skal bidra til eit effektivt, miljøvenleg og trygt transportsystem. Nasjonal transportplan (NTP) 2022–2033 presenterer heilskapen i transportpolitikken til regjeringa dei neste 12 åra, heiter det i ei pressemelding frå regjeringa.
Her blir det vist til fem likestilte mål som skal gi retning for korleis ressursane skal brukast framover.
Artikkelen held fram under annonsen.
1: Meir for pengane. 2: Effektiv bruk av ny teknologi. 3: Bidra til å oppfylle dei norske klima- og miljømåla. 4: Nullvisjon for drepne og hardt skadde. 5: Enklare reisekvardag og auka konkurranseevne for næringslivet.
Samferdsleminister Knut Arild Hareide (KrF) peikar på viktige grep i den nye planen, som skal få nytta opp og kostnadene ned. Blant anna skal element av modellen som Nye Vegar jobbar etter, brukast i heile transportsektoren.
– Vi tek heile transportsektoren frå ein kamp om å kome inn i planen, til ein konkurranse om å lage dei beste prosjekta. Finn ein lønsame løysingar, aukar sjansen for at problemet faktisk blir løyst, skriv Hareide i eit debattinnlegg.
