— Kutt to representantar!
Heradsstyret vedtok i desember å spara 80.000 kroner i året på politisk representasjon i to råd, men spesifiserte ikkje korleis. Rådmannen viser til at det i ordskiftet om saka vart sagt at ein ynskte å redusera talet på politiske representantar frå heradsstyret. Ho tilrår difor å gjera dette.
Framlegget går ut på å fjerna ein av dei to valde representantane i Kvam ungdomsråd og rådet for menneske med nedsett funksjonsevne og eldre (RMNFE). Ein må difor velja medlemene på nytt. Rådmannen meiner det er naturleg at nokon av dei som sit i utvala i dag, held fram for å sikra kontinuitet.
Artikkelen held fram under annonsen.
I dag representerer Halvard Lilletveit (Ap) og Siv Håbrekke (Sp) heradsstyret i ungdomsrådet. Jostein Moldsvor (KrF) og Trygve Vik (Sp) er faste representantar i RMNFE.
Formannskapet handsamar saka 10. februar. Heradsstyret avgjer henne 16. februar.