Måtte fø i ambulansen

Ei kvinne måtte fø i ambulansen etter at den krasja ved Folkedal på veg frå Kvam til Voss natt til førre onsdag, skriv Hordaland. Ambulansen sklei ut til sida på glatta då den køyrde ut av Folkedalstunnelen, før den snurra rundt og stoppa opp.

Kvinna var saman med to tilsette i ambulansetenesta og legevaktlegen frå Kvam då sjukebilen krasja. Alle var uskadde etter ulukka, men ambulansen kunne ikkje køyra vidare. Innan ein ny ambulanse var på plass, fødde kvinna i ambulansen på staden, fortel Guttorm Brattebø, avdelingsoverlege ved akuttmedisinsk avdeling på Haukeland universitetssjukehus, til Hordaland.

Den nye ambulansen fekk køyrd kvinna og barnet til Voss sjukehus. Ifølgje Brattebø stod alt bra til med mora og barnet.

Politiet på Voss skal etterforska saka på grunn av mindre personskadar. Brattebø seier til Hordaland at dei som sat bak i ambulansen saman med kvinna, fortalde om smerter etter trafikkuhellet. Truleg overgjekk ingen av dei smertene til den vordande mora.