HF rettar

• I ein omtale av bordtennisnoregsmeisterskapen for eldre juniorar tysdag vart det opplyst at Simon Feng spela kvart- og semifinalen i lagtevlinga. Det er feil. Han spela fyrste runde, før Jack Feng overtok. Saman med Simon, Jan Roger Andersson og Thomas Låte tok han bronsemedalje.

• Sist veke omtala HF samarbeidet mellom næringslaga i Norheimsund og Øystese for å auka lønsemda til butikkar. Ifølgje notisen skal laga finansiera samarbeidsprosjektet med 115.600 kroner sjølve. Marit Buttingsrud i Øystese næringslag ynskjer å presisera at eigeninnsatsen skjer i form av tid og arbeid, ikkje i form av kroner.

• HF omtala tysdag renovasjonssaka i Ullensvang kommune. I artikkelen vart det opplyst at nye statlege retningsliner gjer det tidsmessig uproblematisk om Ullensvang herad og Jondal kommune seier seg opp i Indre Hordaland miljøverk IKS, sidan dei uansett vil vera ute midt i 2019. Det korrekte årstalet er 2020.